Folketonar med sax og orgel

Torsdag 28. mars kl.19.30 blir det ein spennande konsert i Nysæter kyrkje.
Då skal blåsar og kulturskulelærar Webjørn Sæther spela saksofon og kontraaltklarinett, saman med kantor Bjarte Aadland på orgel. Dette blir eit folketoneprogram dei to saman har utvikla siste året. Med utgangspunkt i stort sett lokale folketonar frå Stord, Bømlo og Etne har dei komme fram til eit spennande musikalsk resultat. Eit par av folketonane vart presenterte i konsert 10. februar i Nysæter kyrkje, og desse vart svært godt mottekne då. Den 28. mars får ein høyra ein heil konsert med dette materialet. Det vert inngongspengar.
Hjarteleg velkommen til vakker konsert med Sunnhordlandsfolketonar!

T3 KVELDSSONG FOR DEI SMÅ

3 ÅR I ÅR?
Måndag 11. februar er det T3 KVELDSSONG FOR DEI SMÅ i Stord kyrkje. T3 er ei kjekk songsamling for dei som fyller 3 år i 2019. Etterpå et me nistekveldsmat saman. Ta med niste. Me har kaffi, te, mjølk og juice. Velkommen!

Kveldssamlingar i Stord kyrkje

T2 KVELDSSONG FOR DEI SMÅ

KJENNER DU NOKON SOM FYLLER 2 ÅR I ÅR? Måndag 28. januar startar me opp med T2 KVELDSSONG FOR DEI SMÅ i Stord kyrkje kl. 17:30. Dei andre datoane for våren er 11. mars og 8. april. Dette er koselege songsamlingar med nistekvelds etterpå. Ta med niste. Me har kaffi, te, juice og melk. Det er inga påmelding - det er berre til å komma! Velkommen:-)T2-samlingane er i vår felles for Stord og Nysæter sokn, i Stord kyrkje.

Velkommen på babysong!

Babysong i Stord kyrkje er i gang igjen, og det var så kjekt å treffa den herlege babygjengen som kom på samling sist! På måndag (28/1) inviterer me til babysong igjen, og alle som er heime med ein baby eller fleire er velkomne til ei triveleg songstund i kyrkja. Samlinga startar klokka 11:00. Ta med niste, så et me lunsj saman etter songstunda. Me held te, kaffi og juice! Velkommen! 

Julebrev frå Estland 2018

Her kjem julebrev frå misjonsprosjektet i Nysæter kyrkjelyd.

estlandhilsen_advent_2018